سمية الخشاب تعلم الفتيات طرق لكشف خيانة زوجها

تحرص الفنانة سمية الخشاب على مشاركة جمهورها اوقات حياتها المختلفة، والرد على جميع أسئلتهم بنفسها، وتحدثت في أحدث منشورتها على السيدة التي "يخونها" زوجها ولا يكون لها رد فعل فإنها تستحق أن "تُخان" مليون مرة، معبرة عن اندهاشها من السيدات اللاتي يمسكن بهواتف أزواجهن لمعرفة ما به، مؤكدة أن أولئك السيدات أنها إذا عرفت شيئا عن زوجها فهناك أمور أخرى لن تستطيع معرفتها.

وكتبت سمية الخشاب فى تغريدة على تويتر: "مفيش ست تستاهل الخيانه، لو هي مقصره يطلقها ويشوف غيرها، ولو اتخانتي مره وعديتيها يبقي تستاهلي تتخاني مليون مره".

ووجهت رسالتها للسيدات قائلة: "مش عارفه ليه كتير من الستات بيبقوا فاكرين نفسهم اذكياء وبيمسكوا موبايلات ازوجهم وقال يعني معاهم الباسوورد يعني كده هو مبيلعبش بديله، حبيبتي لو مسكتي عليه حاجه في ٥٠ حاجه تانيه مش هتعرفيلها طريق".

وأضافت " يعني نسبه كبيره من الرجاله بيخونوا الا من رحم ربي، والمشكله بيبقوا معاهم ستات احلي من اللي بيخونوهم معاها".
وعندما سألتها إحدى متابعاتها قائلة "واللي اتخانت مرتين وكانت بتعديها؟

فردت سمية الخشاب قائلة "تاخد رخصة الـclowning الذهبية".

وقالت: "المهم الشطاره بقي مش انك تقفشيه بيخونك، الشطاره فانك تخليه يسيب الtrash bag التانيه ويعرف قيمتك ويرجعلك، اهم حاجه متاخدوش هي يرجعلك انتي وتبقي هي مجرد فتره كده ومع السلامة".

وتابعت: "مفيش ست تستاهل الخيانة، لو هي مقصرة يطلقها ويشوف غيرها لكن تبقي فالبيت زي الهبلة وهو عايش حياته برا ويرجع يلاقيها زي الجارية مستنياه ده هو اللي يستاهل كل حاجه مش كويسه".

يذكر أن آخر أعمال الفنانة سمية الخشاب الفنية مسلسل "موسى"، مع الفنان محمد رمضان، وعبير صبري، رياض الخولي، سيد رجب، صبري فواز، منذر رياحنة، هبة مجدي، وعدد آخر من الفنانين، تأليف ناصر عبد الرحمن، وإخراج محمد سلامة، ودارت أحداثه فى إطار من الدراما الصعيدي.

ثم قدمت أغنية مع عمر كمال بعنوان "أوعدك"، التي حققت حوالي 15 مليون مشاهدة على اليوتيوب.