عمل فنى يكشف أسرار في حياة شمس البارودى وحسن يوسف.. اعرف الحكاية

كشف عمر حسن يوسف، نجل الفنان حسن يوسف والفنانة المعتزلة شمس البارودي، أنه يستعد لتقديم قصة حياة والده ووالدته في إطار تسجيلي وثائقي، لكن لم يتم الاستقرار على شكل معين للعمل حتى الآن.

وفي مقابلة مع برنامج ET بالعربي، قال عمر حسن يوسف: "الفكرة عن قصة حياة حسن يوسف وشمس البارودي، هتبقى في إطار تسجيلي، لكن هل هي مسلسل أو فيلم أو برنامج وثائقي، دي لما نبيع الموضوع لشركة أو لمنصة ويبقى في مخرج وناس بتكتب."

وأضاف: "أنا كإبنهم عارف قصصهم وتاريخهم، معاصرتش والدتي كفنانة لكن عاصرت والدي كفنان، وشايف إن دي حاجة حلوة ممكن تتقدم. واحد زي حسن يوسف بيمثل من سنة حاجة وخمسين، بالأحداث اللي حصلت سواء شمس إتحجبت، حسن يوسف تدين، لو شايفين إن مفيش أحداث مشوقة وهنقدم هلس متتفرجش."

وتابع: "أي فيلم وثائقي عن فنان أو لاعب كرة قدم بيعرضلك رحلة صعوده، وأنا عندي حاجات في الدرج الناس مش عارفاها، ورسالتي للناس تتفرج الأول قبل ما تنتقد."

وأكمل: "أنا مش منتج ولا كاتب، أنا مجرد ابنهم وبمثل وجالي الفكرة دي. محتاج حد يكتب الموضوع حلو جدا، ويقعد مع أستاذ حسن ومدام شمس كإنهم هما اللي بيتكلموا، وهما هيطلعوا في العمل ويتكلموا، ومحتاج منتج شاطر يعرف يسوق الموضوع."