بعد منع مطربى المهرجانات من الغناء.. حمو بيكا: شاكوش فتح كافيه وعمر كمال يملك استوديو وأنا هشوف جامع واشحت

عاد مغني المهرجانات حمو بيكا لإثارة الجدل مرة أخرى بعد تصريحاته الجريئة، من خلال بث مباشر على جمهوره عبر موقع فيس بوك ليشكو من ضعف عدد مشاهدة أحدث أغانيه.

وقال بيكا: لما انزل تراك على يوتيوب اللي عندي فيه 5 مليون متابع ويتشاف 11 ألف مرة كده يبقى في مصيبة وقلة أدب يا عم مارك شوف لنا حل، والصينيين بيجيبوا 35 مليون مشاهدة في يوم عشان بيحبوا بعض، احنا هنا بنبص لرزق الناس.

واضاف: شاكوش فتح كافيه، النهاردة الافتتاح وكلنا رايحين له، وقدورة كمان راح عمل كافيه خلاص الفنانين (جضوا) من الحياة، وعمر كمال فتح ستديو وقاعد يتفرج علي، ابقى كُل مخلل، و أنا طالع أبلغ مارك رسالة، انتوا كده كده معانا عالعومة، ناجحين انتوا معانا ساقطين انتوا معانا احنا كلنا في مركب واحدة، و كلنا هنشحت ونشوف لنا جامع.

وقال: يارب تصرف اللي بصرفه، أنا تعبان وميت وباخد حقنة بـ45 ألف جنيه، خدوا فلوسي وأدوني صحتي، صحتي كلها راحت بعد عملي في هذه الوظيفة، مشيرًا أنه إذا استمع له 10 أشخاص فقط، فسوف يكمل مسيرته الفنية، ولن يتوقف مهما حدث.