تفاصيل الحادث الأليم الذي تعرض له نجل المطرب أبو

تعرض نجل الفنان "أبو" لحادث مأساوي بعد سقوطه أثناء تواجده في الملاهى بأحد المولات الشهيرة، وكشفت زوج الفنان وتدعى نهال لهيطة، تفاصيل حالة نجلهما (11 عاما)، حيث اصيب بكسر في الأنف وارتجاج في المخ.

وقالت لهيطة، خلال مداخلة هاتفية مع برنامج "الحكاية" عبر قناة "mbc مصر": "ابني كان في ركن ألعاب الأطفال بأحد المولات الشهيرة، والمسئول عن اللعبة وجه ابني أنه ينط من أعلى نقطة بظهره، الولد فعلا نط وبعد ما نط لقينا أن أنفه اتكسرت، وبعد ما روحنا المستشفى لقيناها اتدشدت، مفيش أنف دلوقتي".

أضافت: "المفروض في دكتور في المكان، وملقناش الدكتور، واستعانوا بدكتور آخر قال إن أنفه اتكسرت، وعمل حاجة في أنفه من غير إذني، ولما نقلناه المستشفى طلع عنده ارتجاج في المخ، وقعدنا 40 ساعة بيرجع دم، دلوقتي مش بيعرف يتنفس من أنفه، إحنا دلوقتي المفروض نعمله انف، وبعدها عملية تجميل".

تابعت: "أنا بحذر كل الأهالي وكل أولياء الأمور، ده مش المفروض يحصل لأي طفل تاني، اللي حصل كارثة، كانت رقبته ممكن كمان تتكسر.. ليه الواحد يعرض أطفاله للخطر ده؟ وأنا عملت محضر وبحذر كل الأهالي ياخدوا بالهم من أولادهم".