داليا مصطفى تشارك جمهورها تجربتها فى الإسكواش

نشرت الفنانة داليا مصطفى فيديو جديد لها عبر حسابها الرسمي على موقع الصور والفيديوهات الشهير"إنستجرام"، وثقت فيه عودتها لممارسة رياضة الإسكواش.

ونشرت مصطفى فيديو قالت فيه: "أول يوم النهاردة في الإسكواش بعد غياب مدة طويلة جدا سنتين، تعبت قوي ووشي بقى شبه البطيخة. انبسطت جدا بس تعبت قوي النهاردة، أنا سعيدة بتجربتي في الإسكواش وكنت بلعب قبل كده بس للأسف بطلت، ودي حاجة مش لطيفة خالص."

واضافت: "كانت حلوة قوي ومن الرياضات المحببة جدا لقلبي، النهاردة فوجئت بالمدرب بيقوللي التنس أسهل، وأنا عمري ما لعبت تنس، بلعب إسكواش بقالي فترة. إيه رأيكم أجرب التنس ولّا أخليني في الإسكواش؟ اللي بيلعب ده أو ده يقوللي، بس الإسكواش مرهق بصراحة، مستنية رأيكم".