برنسة عبد الغنى تكشف معاناتها مع الفن: فنيت نفسي فى شغلة الكومبارس

كشفت برنسة عبد الغني أشهر كومبارس على الشاشة عن معاناتها مع المهنة والمقابل المادي القليل الذي تدره عليها.

وأمام مشهد للنجمة دنيا سمير غانم ووالدها النجم الكبير الراحل سمير غانم من مسلسل "لهفة"، كانت لبرنسة عبد الغني هذه التصريحات لبرنامج "مساء dmc":

أنا برنسة عبد الغني محمد، بشتغل كومبارس وفنيت نفسي في شغلة الكومبارس، لغاية ما بقى عندي 57 سنة، وشغلة الكومبارس للأسف بديها كتير وهي مبتدينيش

واضافت بنقعد في الشغل 18 و 20 ساعة، ومبلاقيش مقابل، والمسلسل أو الفيلم من غير مجاميع أو كومبارس ميصلحش، والعمل مبيتشالش على النجوم بس

وقالت أنا مخلفتش ومعنديش أولاد وعايشة لوحدي، بس معايا ربنا أحسن من الكل و أتمنى يبقى لينا معاش