حنان شوقى تروى قصة تعرضها للموت بسبب جلطة

كشفت الفنانة حنان شوقي عن تعرضها لجلطة كادت أن تودى بحياتها بحيث انها اكتشفت ذلك أثناء قيادة سيارتها.

وخلال استضافتها في برنامج "نص الكلام" الذي تقدمه الإعلامية راغدة شلهوب على قناة النهار، قالت حنان شوقي: "أنا شوفت الدنيا زي ما ربنا قال متسواش جناح بعوضة، كنت بموت وأنا في العربية، جالي إحساس وزعلت أتاريني عندي جلطة وأنا معرفش، وماشية بقالي 3 أيام في الحياة عايشة."

وأضافت: "وأنا مروحة في شارع فيصل، فجأة حسيت إن روحي بتروح، وجسمي تلّج وفي حاجة مش طبيعية، بس سايقة، وجوايا أدعية كتير جدا عايزة أقولها لربنا، أنا حشوفه كمان ثانية، وشوفت شارع فيصل كله كرتون كإنه ديكور، إلى أن وصلت البيت وربنا سترها عليا، لقيتني مسكت التليفون وكلمت المخرج ياسر صادق قلتله إلحقني أنا بموت بره البيت، شوفت الموت بعيني."