سهير رمزى: أبويا حرمنى من أخواتى بسبب الفن ولو شفتهم مش هعرفهم

كشفت الفنانة سهير رمزي عن أزمات في حياتها مشيرة أنها تعرضت للعديد من الصراعات مع عائلتها بخصوص الميراث معبرة عن رغبتها في العودة لهم مرة أخرى.

وتابعت خلال لقائها ببرنامج "السيرة" الذي تقدمه الإعلامية وفاء الكيلاني بقناة "دي إم سي": "منذ وفاة والدي ما حدش من إخواتي كلمني ولحد دلوقتي ممكن أقابلهم في الشارع معرفهمش ولكن هما ممكن يعرفوني بسبب أفلامي وشهرتي".

ولفتت سهير رمزي: "بابا كان عايز علاقتي بإخواتي تتقطع وعدم ربط اسمهم باسمي بسبب أنه كان محافظ ورافض تمثلي، ولكن إخواتي كانوا صغيرين، بجانب إن والدتهم مش عايزاهم يعرفوني".

وأشارت:"بعد وفاة والدي كنت مكتوبة في الميراث ومنهم اللي جالي علشان الميراث وكان اقتراح أمي إن احنا ما أخدناش من أبويا حاجة وهو عايش واحنا نتنازل عن حقنا في الميراث وبالفعل اتنازلت عن حقي في الميراث كاملا".

وتابعت: "العشرة مهمة جدًّا وما أقدرش أنكر وحسيت بحنين ليهم، وبقولهم المفروض نسأل على بعض لأننا في الأول والآخر اخوات، وافتكر اني كنت بتكرم في بورسعيد من فترة وجاءت واحدة ليا وسلمت عليا وباركت ليا التكريم ومكنتش اعرفها ولما سألتها قالتلي انا أختك فحضنتها وبعدين هي اختفت ومعرفش هي فين".

وأشارت: "أتمنى أشوفهم وأحضنهم ويبقوا جنبي وهما يقدروا يوصلوا ليا أنا مقدرش أوصل لهم".