صفية العمرى تكشف سر غيابها عن الأعمال الفنية وحكايتها مع أحمد زكى وعادل إمام

كشفت الفنانة الكبيرة صفية العمري عن سر اختفائها عن الأعمال الفنية خلال الفترة الماضية، وهو عملها فى مسلسل ليالي الحلمية.

وأضافت العمري، في تصريحات على برنامج أسرار النجوم، عبر إذاعة نجوم إف.إم: في المسلسل كله مكنش فيه لفظ خارج في العمل كله، وتاريخ مصر كله من وقت الملك فاروق لغاية عصر مبارك في المسلسل، دا بنشوف حقبة تاريخية كبيرة وبنشوف وجوه أصبحوا أبطال النهاردة.

وتابعت: أنا كنت بستمتع ومكنتش بنام من الأدوار اللي بعملها في المسلسل دا، وكنت بذاكر شخصيتي كويس جدًا حُبًا في المسلسل وكنت أرجع من الأستوديو أسهر عشان أراجع دوري بكرة.. والمسلسل دا كله عظمة والعمل شبعني تمثيل.

وعن رفضها للعمل الفني خلال الفترة الحالية، أكدت أنها ترفض الأعمال المكررة وغير الجديدة ودون مشاعر، موضحة: مفيش حاجة عجبتني عشان نقدمها للناس.

وأضافت العمري :"الفنان الراحل أحمد زكي من أروع الفنانين اللي اشتغلت معاهم.. وكنت بفهمه وبتعايش معاه.. وللأسف مفيش حد من الفنانين للآن قدر يعوض أحمد زكي ربنا يرحمه".

وعن دورها في فيلم على باب الوزير مع عادل إمام قالت: كانت تجربة رائعة جدًا وساعتها كنت لسه جديدة ودور بالنسبة لي كبير إني أقف قصاد الفنان الكبير العظيم عادل إمام، وسبب نجاحي فيه كنت ملتزمة وبحب الفن والعمل اللي بعمله.

وتمتلك النجمة الكبيرة تاريخا فنيا كبيرا سواء في السينما أو التلفزيون، وتحكي خلال الحلقة عن تلك الأعمال والكواليس التي لا يعرفها الجمهور، وتعاونها مع كبار نجوم الفن سواء في مصر أو الوطن العربي.