نفسي أرجع لحياتى الطبيعة.. حسناء سيف الدين تتعرض لأزمات صحية متتالية وحالتها خطيرة

طمأنت الفنانة حسناء سيف الدين جمهورها علي حالتها الصحية وكشفت عن معاناتها مع المرض، وشاركت جمهورها عبر صفحتها على موقع التواصل الاجتماعى "فيس بوك" منشور كشفت فيه عن تعرضها لوعكة صحية شديدة.

وقالت حسناء سيف الدين : "وقعت على ضهري ومش قادرة أمشي على رجليا الاتنين ونايمة على ضهري وعشان أتقلب لازم حد يقلبني».

وأضافت حسناء سيف الدين : “يا رب أنا من شهر 12 اللي فات وأنا ما بلحقش أرفع راسي.. أخلص من مرض أدخل في مرض تاني.. أخلص من مرض أدخل في إصابة.. أنا بقيت أدخل المستشفى بمعدل مرة كل أسبوع”.

وتابعت حسناء سيف الدين : أخباري في مواقع الأخبار كلها بقت عن مرضي أكتر من شغلي.. و بقيت اعتذر عن مقابلات شغلي بسبب إني مريضة.. مرة جلطة على الرئة و مرة أورام في الرقبة ومرة التهاب الغدد الليمفاوية ومرة حصوة في الحالب، وكل شهر تحاليل وأدوية ودكاترة ومرة معمل يغلط غلطة مطبعية في نسبة الكولسترول وأخد دواء كولسترول وأنا معنديش كولسترول وكنت هموت فيها”.

وأضافت حسناء سيف الدين : “مرة نسبة الأكسجين تقل ونفسي يروح ويركبوا لي أكسجين.. وأخرتها وقعت على ضهري ومش قادرة أمشي على رجليا الاتنين ونايمة على ضهري وعشان اتقلب لازم حد يقلبني»، متابعة: «الحمد لله على كل شيء بس بجد أنا تعبت.. نفسي أعرف أنا إيه اللي بيحصل لي؟!”.

وقالت حسناء سيف الدين : “أنا بقيت أدبح تقريبا كل شهر وبزكي وبتصدق على طول ومشغلة الرقية الشرعية في البيت 24 ساعة وبسبح وبقرا قرآن على طول.. حتى الناس اللي نصبوا عليا أو أذوني سامحتهم.. يا رب نفسي أرجع لحياتي الطبيعية”.

واعتادت الفنانة الأردنية على مشاركة متابعيها وجمهورها بأبرز الصور واللقطات التي تكشف عنها وعن إطلالاتها مما كشف عن ذوقها وإستايلها وحرصها على اتباع أحدث صيحات الموضة.