صابرين لـ حلا شيحة :براحتك اتجوزي واعملي اللي إنتي عايزاه لكن معلش إيه اللي ماعجبكيش في أبوكي وأمك

قامت الفنانة صابرين بوصف أزمة الفنانة حلا شيحة بالمريبة، حيث قالت: "بالنسبة لي كان موقفا مريبا وأنا أعرفها وهي خالعة الحجاب وهي محجبة ومنقبة في مناسبات مختلفة جمعتنا.. لكن الموقف الأخير كان مريبا حسيت وقتها إن فيه حاجة غلط".

وتابعت : "لما قرأت البوست كان غريب برضه، إنتي خلاص عملتي حاجة أو خدتي خطوة تمام، بس مش كده يعني، إنتي كنتي رجعتي وعملتي مسلسل "خيانة عهد" مع يسرا.

وأضافت : "مش عارفة ممكن تكون تعرضت للتخبط في الفترة الأخيرة لما بعدت نسيت التمثيل، وده عادي الفنان يتعرض للتخبط، لكن اللي عملته كان "أوفر" شوية، وأكثر ما أزعجني في أزمتها علاقتها بوالدها الفنان أحمد شيحة.. أي حاجة عادي لكن علاقتك بوالدك ما ينفعش تبقى كده أبوكي راجل محترم جدًا".

واستطردت: "براحتك اتجوزي واعملي اللي إنتي عايزاه، هي بني آدمة وحرة، ولا أجرؤ أتكلم في ده، لكن معلش إيه اللي ماعجبكيش في أبوكي وأمك؟ الأب والأم مش خط أحمر بس ده خط ملتهب".