مريم سعيد ترد على منتقدي عودة رامي صبري للعمل بعد وفاة شقيقه: اتقوا الله

دافعت الفنانة مريم سعيد عن المطرب رامي صبري بعد الهجوم الذي تعرض له نتيجة إعلانه العودة للعمل بعد أيام من وفاة شقيقه كريم صبري.

وكتبت مريم سعيد عبر فيس بوك: "انت لو دكتور أو مهندس أو بقال أو نجار أو فاعل حتى لما بيموت لك ميت لازم بترجع شغلك تاني.. والشغل مالوش دعوة بأربعين ولا خمسين".

وأضافت: "والممثل بيبقى راجع من دفنة وعنده عرض مسرح بالليل ويروح ويؤدي دوره.. في الحروب ناس بتموت تحت القصف وناس بتتجوز علشان تعيش وتخلف والحياة تستمر، دي مهنته وماتقولوش مش محتاج انتم ايه عرفكم محتاج ولا ظروفه ايه".

وتابعت: "ده غير الناس اللي في رقبته من فرقة وموسيقين بياكلوا عيش وراه.. اتقوا الله في بعض واهبطوا شوية".

وأعلن الفنان رامي صبري عن عودته لنشاطه الفني من خلال تدوينة قال فيها: "إن شاء الله هرجع اشتغل تاني من أول أغسطس 2021، وأسف جدا على إلغائي أو عدم حضوري الحفلات والأفراح الفترة الماضية، لعدم قدرتي على الغناء بسبب وفاة أخي الغالي كريم.. ربنا يرحمه وميكتبهاش لحد، اللهم أمين، الزعل جوة القلب والحياة هتمشي".

يذكر أن آخر أعمال الفنانة مريم سعيد كان مسلسل "نسل الأغراب"، وقدمت من خلاله دور الغجرية والدة كبير الغجر الذي لعب دوره النجم عماد زيادة، والعمل من تأليف وإخراج محمد سامي.