شقيقة رامى صبرى تنفى وفاة شقيقها كريم بالمخدرات: منعرفش لحد دلوقتى سبب الوفاة

شاركت هالة صبري، شقيقة المطرب الراحل رامى صبري متابعيها التعازى في شقيقها الراحل كريم صبرى والذي رحل عن عالمنا منذ أيام، عبر حسابها الرسمي على موقع التواصل الاجتماعى «فيس بوك»، وانفعلت على الجمهور بشكل كبير بسبب الرسائل العديدة التي تُرسل لها عن أسباب وفاة كريم.

وكتبت هالة: «اللي هيدخل يعزيني في كريم ويقولي مات ازاي هيزعل مني والله، لحد دلوقتي 3 داخلين يسألوني بلوك على طول وهيسمعوا كلمتين حلوين إحنا في غنا عن أي أسئلة من دي مانعرفش لحد دلوقتي إيه سبب الوفاة بيتحقق لسه كريم مامتش مدمن ارحمونا وارحموا بني آدم مات ومش هنشوفوا تاني ولا هننده عليه تاني حسبي الله ونعم الوكيل».

وكانت هالة كتبت في منشور آخر «محدش يسأل مات إزاي إحنا محدش لحد دلوقتي يعرف كلنا قاعدين مستنيين التقرير غير إن محدش يخصوا مات وربنا رحمه منكم حسبي الله ونعم الوكيل في اللي كان السبب واللي سبب في إنه يبوظ شكله قدام الناس وانت أصلا متعرفوش حاجة إذا كان إحنا أهله منعرفش هتفتوا انتوا».

سيطرت حالة من الحزن والبكاء على أسرة الفنان رامي صيري، وانهارت شقيقته من البكاء لحظة تشييع جثمان شقيقها الأصغر كريم صبري، والذي رحل عن عالمنا في حادث أليم غرقًا في ترعه المريوطية، مرددة: «سايبنا لمين يا كريم».