والد حلا شيحة يعلق على أزمتها الأخيرة :بنتي غلطانة وتامر حسني مالوش ذنب

أعرب الفنان التشكيلي أحمد شيحة عن استيائه من تصريحات ابنته الفنانة حلا شيحة تبرُئها من مشاهدها الجريئة مع تامر حسني في فيلمها الجديد "مش أنا"، حيث قال:" أنا تعبت كل شوية تقولولي حلا عملت وحلا سوت، الكلام اللي قالته على السوشيال ميديا طبعا كله غلط، مش موافق عليه إطلاقا، حتى لو بنتي الفيلم مفيهوش حاجة غلط".

وأضاف :"مينفعش اللي قالته في حق تامر هو انسان على خلق ومحترم، وإزاي لما قريتي الورق ووافقتي عليه مشفتيش إن في حاجة غلط، مينفعش توافقي على حاجة وترجعي تتبرأي منها دا غلط، تامر حسني مالوش ذنب في اللي اتشال من المشاهد واتحط هو انسان محترم".

وفاجئت الفنانة حلا شيحة جمهورها بمنشور تعلن فيه استيائها من عرض كليب يضم بعض المشاهد التي تجمعهما ضمن أحداث فيلم "مش أنا" وذلك على صفحتها بموقع التواصل الاجتماعي أنستجرام.