أنا المسيحية اللي مستنية رمضان.. حنان سليمان تثير الجدل بعد تغيير ديانتها

قامت الفنانة القديرة حنان سليمان، بإثارة التساؤلات حول ديانتها الحقيقية، بعد منشور كتبته عبر حسابها الرسمي بموقع التواصل اللاجتماعي "فيسبوك" مهنئة به المصريين بشهر رمضان المبارك، حيث كتبت :"أيوة أنا المسيحية اللي مستنية رمضان بفارغ الصبر، أيوة أنا المسيحية اللي مستنية الزينة بتاعة رمضان، أيوة أنا المسيحية اللي مستنية الناس يتجمعوا علشان يفطروا، أيوة أنا المسيحية اللي مستنية المسلسلات بتاعت رمضان، أيوة أنا المسيحية اللي بيفضل ولادها يسألوها رمضان إمتى، أيوة أنا المسيحية اللي شايفة إن مفيش حاجة اسمها مسيحي ومسلم غير كعبادة".

تابعت: "أيوة أنا المسيحية اللي بتعشق صحابها المسلمين، أيوة أنا المسيحية اللي شايفة أن مفيش حاجة تنفع تفرق بيننا، أيوة أنا المسيحية اللي ديني بيقول لي كده ﻷن الله محبة، كل سنة واحنا طيبين وبخير وصحة وسعادة ورمضان كريم علينا كلنا أعاده الله علينا وعلى مصرنا الحبيبة بالخير واليمن واالبركة".

أثار المنشور البلبلة لدى بعض متابعي حنان سليمان، الذين التبس عليهم الأمر ظنًا منهم أنها كتبت المنشور تعبيرًا عن ديانتها الحقيقية، فشكروها على هذه الروح الجميلة، بينما أوضحت الفنانة في نهاية المنشور أنها مسلمة ولكن أعجبها الكلام.

كما قال لها أحد المتابعين في التعليقات: "أنا بعشقك كفنانة وأول مرة أعرف أنك مسيحية، عموما عشقتك أكتر كإنسانة جميلة وكل عام وأنتي بخير وسعادة وتحيا مصر 10 مرات"

لترد حنان سليمان حاسمة ألأمر: "أنا مسلمة".

جدير بالذكر أن آخر ظهور لحنان سليمان فى دراما التلفزيونية فى مسلسل "ونسني" إلى جانب أحمد سلطان، وحازم إيهاب، ومحمود الليثي، وسارة درزاوي، وبسنت شوقي، وهنا غنيم، وعبير منير، وأسامة عبد الله، والفنان سامي مغاوري، وهو من إنتاج حسن عسيري، وسيناريو وحوار تامر فرج، وإخراج رامي رزق الله.