شيماء سيف تثير الجدل من جديد برسالة غامضة بعد أنباء انفصالها عن زوجها
حرصت الفنانة شيماء سيف أن تطمئن جمهورها وأصدقائها من الوسط الفني على حالتها النفسية ولكنها لم تكشف إذا كانت أنفصلت بالفعل عن زوجها محمد كارتر، واكتفت بكتابة رسالة شكر على لكل من سأل عليها وذلك على حسابها الرسمي عبر موقع الصور الشهير "انستجرام".
حيث كتبت قائلة: "عمرى ماتخيلت أن غلاوتى تكون كده عندكم كنت زعلانة وقوتونى بدعواتكم وحبكم إللى من القلب بجد ربنا يخليكم ليا أنتو وكل أصحابى الفنانين إللى تأكدت أنهم عيلتى التانية ربنا يديم حبكم فقلبى ودايما سند وعيلة لبعض وآسفة إنى كنت مبردش بس للأسف أنا مبعرفش أخلى حد يشوفني مضايقة لأنى بحس إنى ضايقته معايا فبحب اختفى لحد ما أرجع زى ماكنت أضحك واضحكم معايا والحمد لله أنا دلوقتى زى الفل وزى ماقلقتكم كان لازم أطمنكم وكل سنة وأنتم اطيب ناس فى الدنيا ورمضان كريم".
وفي وقت سابق وجه كارتر رسالة لشيماء كتب فيها:" من بعد ما عرفتك عمري في حياتي ماتخيلت حياتي من غيرك، إنتي النفس اللى خارج وداخل مني، إنتي الضحكة اللي بضحكها، إنتي القلب اللي بعشقه، الناس كلها بتتعامل على إنك مراتي وهما ميعرفوش إنك بنتي أيوة والله بنتي وحبيبتي وكل حاجة ليا في الدنيا دي، بدعي ربنا في سرى بأنه يخليكي ليا عمر وحب وقرب ميعرفش البعد أبدا".