باسم سمرة :مستعد أتطوع وأتبرع بكل فلوسي للجيش المصري

احتل اسم الفنان باسم سمرة قائمة الموضوعات الأكثر بحثا، على محرك البحث الشهير جوجل، بعد تصريحاته التي أكد خلالها رغبته في التنازل للجيش المصري عن كافة ممتلكاته، حيث قال : "أرغب في التنازل عن ممتلكاتي للجيش وأرغب في التواصل مع المسؤولين، مش هخسر أبدا دي بلدي ووطني".

وتابع :"فلوسي جت من مصر وهتروح لمصر، وليها دمي وروحي وعايز أتطوع كمان مش هزار انا ورا القيادة السياسية ورا بلدي، وكل الرجالة لازم تقف طبعا تحت أمر البلد فلوس ودم".

وأضاف "مبفهمش في التريند احنا تحت أمر البلد في أي حاجة وفي أي وقت، فيه خطر لما نتكلم عن المية فيه خطر، وكل واحد يلزم حده، آسف اني بنفعل، انا مش بقول أتبرع بجزء من فلوسي لأ كل فلوسي، مستعد امضي دلوقتي حالا للجيش المصري، انا مش سياسي انا تحت أمر البلد في اللي يقولوا عليه احنا معاهم".