نفسنة وقطع للأرزاق.. مخرج أفلام الزعيم يتعرض لضائقة مالية ويعمل سائق

يتعرض المخرج أمير شاكر لضائقة مالية دفعته للعمل على سيارة، حتى يتمكن من الإنفاق على بيته وأولاده.

ونشرت بعض مواقع التواصل الاجتماعي منشور، كتب فيه :"أمير شاكر الفنان الكبير والمخرج المنفذ لعشرات الأفلام واحد من أنجح وأشطر مساعدي الإخراج في مصر، قابلته في المرور وأنا بجدد رخصة عربيتي من شهرين، أمير شاكر بيشتغل كابتن أوبر علشان يصرف على بيته وعياله..أنا في بداية الألفية شفت بعيني نجوم كبار دلوقت كانوا وقتها يتمنوا نظرة رضا من أمير، وإنه يختارهم يعملوا دور".

وتابع المنشور :"ولما بقوا نجوم وإحنا كتبنا على السوشيال ميديا عن ظروف أمير شاكر، وإنه محدش بيشغله رغم شطارته، مفيش واحد منهم فكر يرجعه للشغل في فيلمه أو مسلسله، ياريت محدش يتكلم عن قطع الأرزاق، علشان الشاطرين قاعدين في البيوت بسبب نفسنة بعضكم وقطعهم للأرزاق، اللي عاوز يشوف أمير يرجع لمشهد الطيارة في فيلم حرامية في تايلاند".

وشارك أمير شاكر بالظهور في مشهد واحد بفيلم "حرامية في تايلاند"، أثناء السفر على متن الطائرة، حيث ظهر جالسًا إلى جوار الفنان ماجد الكدواني.