عمر كمال يلقن سعد الصغير درس قاسي : أغنية عود البطل بتاريخك كله

شهدت الساعات الماضية خلافات قوية بين المطرب الشعبي سعد الصغير والفنان عمر كمال، بعد أن هاجم الأول الأخير، لنجاحه بعد أغنية «بنت الجيران» حيث أكد الصغير، أن الأغنية «اتعملت باتنين جنيه» في حين أن أغنياته تتكلف الواحدة منها 70 الف جنيه

وحرص عمر كمال على الرد علي تصريحات سعد الصغير، التي تحدث فيها بأن مطربي المهرجانات الشعبية تاريخهم أغنية واحدة “بـ2 جنيه”، لكن هو تاريخه كبير، وذلك عندما حل ضيفًا في برنامج "مع الفارس" على قناة الرشيد العراقية.

وكتب عمر كمال، عبر حسابه الشخصي بموقع التواصل الاجتماعي “فيس بوك”، “فيه مطرب شعبي بيقول علينا إن تاريخنا أغنية واحدة!، وبيقول علينا لو مشينا جمبه ف الشارع محدش يعرفنا! وبيقول بنت الجيران بـ2 جنيه وملهاش لازمة وإحنا ماعملناش أي تاريخ يذكر!! وأنا بقولك دول شوية نجاحات”.

وتابع:"بنت الجيران 600 مليون مشاهدة، عود البطل 434 مليون مشاهدة، شمس المجرة 114 مليون مشاهدة، لغبطيطا 160 مليون مشاهدة، إنتي معلمة 32 مليون مشاهدة، مساء النقص 23 مليون مشاهدة، شيكولاتة سايحة 52 مليون مشاهدة، بنبوني ساقط ف نوتيلا 53 مليون مشاهدة، بنتخان 28 مليون مشاهدة، فايقة ورايقة 17 مليون مشاهدة".

وأضاف: "أنا بحترمك عشان كلت في بيتك عيش وملح ومش هقولك إن تاريخك كله مايجيش مشاهدات أغنية زي عود البطل مثلا أو الـx6.. بس هقولك احترمنا عشان إحنا إخواتك الصغيرين وبنحترمك وبنحترم أي حد أكبر وأقدم مننا في الشغل وديه أرزاق، وده وقتنا وأكيد غيرنا هيطلع زي ما كنت فأنت ف يوم بنتفرج على نجاحك وبنحبك".