خالد الصاوي عن الحسد : الفانلة كانت جديدة واتخرمت

اشعل الفنان خالد الصاوي مواقع التواصل الاجتماعي بعد تصريحاته الجريئة عن الحسد حيث قال : «كنا لسه في أول الجواز لقيت في الفانلة مش عينين، لكن لقيت خرمين لوحدهم كده، كانت الفانلة جديد وتحت اللبس، وحصل كده بردو في تي شيرت في نفس التوقيت، كانت حاجة غريبة، ودايما كنت بقول دي أكيد صدف، لكن اللي حصل مش معقول، الحسد مذكور وكل حاجة بس مكنتش بشوفه رؤية العين».

واضاف في حوار تلفزيوني له أنه يحب الطبخ والتواجد في المطبخ كثيرا حيث قال : «جبت موسوعة الطبخ في المطبخ، وأمي على التليفون، لغاية ما وصلت لدرجة إني أعزم صحابي، وأقولهم هعملكم صواني أكل، لحد ما وصلت لمرحلة الرز المعمر، فخالد صالح قالي لا يا حبيبي مش معقولة أخبط على باب الشقة أشم ريحة كيكة، فوقفت على كدة».

وعن أول شئ سيفعله بعد انتهاء فيروس كورونا، قال خالد الصاوي: «هقعد افتكر أيام كورونا وأعيط، مش هعمل أي حاجة، أحنا هنخلص على كورونا، أحنا أشرس الكائنات وكلنا كل المخاليق بتاعت ربنا وخلصنا على الغابات وبوظنا الدنيا، وكورونا قرصة ودن وهتعدي».