بشرى : طلبوني للتجنيد واتعقدت من الزواج

اشعلت الفنانة بشرى مواقع التواصل الاجتماعي بعد كشفها اسرار في حياتها الشخصية، خاصة عن سر عدم حبها لاسمها الذي تسبب لها في عقدة نفسية منذ الطفولة، وقصة استدعاء التجنيد لها خلال فترة الجامعة.

قالت بشري خلال لقاء تلفزيوني لها "انا متعقدة من اسمي علشان كانوا زمان في المدرسة يقولولي يا شبرا يا شوربة، وكتبوا اسمي في التجنيد اعتقادًا أني ذكر ولقيتهم في شئون الطلبة بالجامعة بيطلبوني ولما سألت عرفت أنهم عايزيني علشان التجنيد مع أني كان حلم حياتي من طفولتي أن أدخل الجيش لأني حاسة أن شخصيتي مناسبة مع الانضباط والالتزام".

وتابعت: "لما تواصلت مع شئون الطلبة تفاجئت بأني مطلوبة للتجنيد وعرفت أنى اسمي متشابه مع الذكور وكان ساعتها شعري طويل عادي والراجل الموظف ساعتها بصلي وفهم أنى بنت ومينفعش أدخل التجنيد، وقلت له بذمتك ينفع أنا أطلب في التجنيد وتحسسوني أني هربانة، واعتذر لي وطلع بيدوروا على واحد بشرى تاني".

واضافت : "شخصية المرأة المتحرش بها في فيلم "6 7 8" دخلني في حالة اكتئاب صعبة أوي وافتكر أنى كان ميعاد فرحي، ودخلي المخرج محمد دياب أتكلم معايا وكنت نفسيًا مش عايزة أتجوز لأن كنت في حالة تحرش مش جواز".

وأكملت: "المخرج في آخر يوم تصوير قاللى إنتى مش فايزة إنتى بشرى وفرحك كمان يومين ومتدخليش في الشخصية وتعيشي معاها، وقعدت فترة قلقانة ومتوترة وفاقدة الثقة في كل الناس اللى حواليا، وكنت عايزة أجل الفرح بسبب الفيلم ده، لأنه أثر فيا وخلاني شرسة".

جدير بالذكر ان اخر اعمال بشري هو مسلسل "القمر آخر الدنيا" والذي عُرض في موسم دراما رمضان 2020، من إخراج تامر حمزة، وبطولة كل من عمرو عابد، مادلين طبر، مؤمن نور، ثراء جبيل، ليلى عز العرب.