فريدة سيف النصر توضح أسباب دفاعها عن محمد رمضان: ما بينامش ومتواضع

تعرضت الفنانة فريدة سيف النصر، لانتقادات حادة بعد دفاعها عن الفنان محمد رمضان، وذلك بعد نشرها أكثر من صورة له من كواليس مسلسله الجديد "موسى" عبر حسابها الرسمي على موقع التواصل الاجتماعي فيس بوك.
وقالت "سيف النصر": "الناس اللي بتزعل لما اتكلم عن رمضان، احب اقول انا كمشاهده وكفنانه عملت مع كل النجوم والمخرجين الكبار والمؤلفين الا قلة بسيطه اني ماليش مصلحه لا كادور أو غيره لأن العمل اسمه موسي يعني بتاعه".
وتابعت فريدة سيف النصر: "والحقيقة الفنان ده مغامر لأقصي درجه تخوف بيحب شغله ما بينامش، يترمي في ماء مش نظيف بعز الثلج ولبس خفيف ماشي روث بهايم ماشي، ينط من عالي لعالي او ارضي ماشي، نار ماشي ، تماسيح تعابين بهدله لا دوبلير ولا دياولو معارك ماشي هاتشوفوا مفاجآت مع سلامة.. ومتواضع جدع مش متدلع ولا متفلسف وبيسمع بيحب ينجح فابيتعب ويراقب ويعمل زي الناس وأحسن ويجود دماغه صاحيه حقيقي مابينامش، فربنا بيكافئه هي ببساطه كده بيخاطر لثقته أن ربنا اللي عايزه هايكون فالثقة بالله نجاح فعلا".
وتشارك فريدة سيف النصر محمد رمضان مسلسله الجديد "موسى" المنتظر عرضه في سباق الدراما الرمضاني المقبل، من تأليف ناصر عبد الرحمن، وإخراج محمد سلامة.