بعد تصدرها الترند.. المتوحشة سالي عبد السلام تكشف تفاصيل إلغاء حفل زفافها قبل إقامته بأيام قليلة ورواد السوشيال ميديا يتعاطفون معها

آثارت المذيعة سالي عبد السلام جدل واسع على السوشيال ميديا بعد حلقة أمس الأربعاء من برنامجها "قصة حقيقية"، الذى يعرض على شاشة التليفزيون المصرى، وذلك بعدما ظهرت خلالها وهي في حالة نفسية سيئة وبكائها قبل الهواء مباشر، تسبب فى تصدرها تريند محرك البحث جوجل.

حيث كشفت سالي أنه تم إلغاء زفافها قبل إقامته بساعات قائلة: "أغلب اللى بنعرفهم مبقوش رجالة أنا جيت معظم الحلقات وأنا معيطة، ومش مكسوفة إني أقول كده، أهلي بيستنوا مني إني أكون قوية، لكن اللي حصل المرة دي إني مضايقة قوي، مش هقول إن اختياراتي غلط، لأني مش بختار أصلا، أنا ممكن ألاقيني داخلة في قصة وأنا مخترتش عادي، أنه شخص مناسب، أنا بختار السكينة والمودة والرحمة، مش زي ما الناس بيقولوا إني مش عاجبني العجب بسمعها كتير".

وأضافت خلال الحلقة قائلة: "أيوه كنت باجي التصوير كتير جدا معيطة وبالذات الشهر ده، عشان كنت مأقلمة نفسي إني هيتكتب كتابي وأتجوز، بس الموضوع ممشيش ومحصلش نصيب، لأن أغلبية اللي بنعرفهم مبقوش قد المسؤولية ومبقوش رجالة ومبقوش يستاهلوا، مذيع الاجتماع برضوا ملهوش حصانة إنه يحكى ويتكلم".

وأختتمت حديثها قائلة: "الحمد لله يا رب، يمكن أخدت مني حاجات كتير أوي بعد ما كنت منيت نفسي ومتوقعتش أنها هتتاخد مني وفي الوقت ده، الفترة دي كل ما أكلم حد أعيط ويصعب عليّا نفسي، بس أنت عوضتني يا الله".

الجدير بالذكر أن سالي عبد السلام دخلت عالم تقديم البرامج عن طريق طارق ابو السعود وبدأت مشوارها الإذاعي في محطة ميجا إف إم من خلال برنامج "خلي بكرة أحلى"، واستطاعت من خلاله أن تفوز بجائزة أفضل مذيعة لعام 2012 بتصويت جماهيري في مسابقة دير جيست، والمرة الثانية فى عام 2015.