تسببت في توبتهن واعتزالهن للفن.. مشوار عبلة الكحلاوي مع نجمات الفن

تحدثت الداعية الراحلة عبلة الكحلاوي من قبل عن قصتها مع الفنانات اللاتي تسببت في توبتهم واعتزالهم للفن، حيث قالت : «مرة كانت مديحة بتنادي شغالتها بأسلوب فيه حدة، فقلت لها ما ينفعش دي هي دي اللي ممكن تدخلك الجنة، من بعدها بقت تصلي وهي جنبها وتقولها انت اللى هتدخليني الجنة، كانت ذكية إنها تاخد طريقها دا وما رجعتش فيه أبدا وربنا أكرمها بالانتقال على هذه الحالة».

وتابعت : «كانت معايا الشيخة ياسمين الخيام، في تثبيت الفنانات ومنهم مديحة وهي اللي أخدتني لهالة فؤاد في مرضها وكانت الحمد لله حريصة إنها تسمع وقدروا يثبتوا، الله سبحانه وتعالى تاب عليهم ليتوبوا».

وتستكمل الدكتورة الراحلة عبلة الكحلاوي الحديث عن رحلتها مع الفنانات المعتزلات في أحد اللقاءات التليفزيونية وتقول: «نورا وهي نورة كانت الله يرحمها مديحة كامل، كنت دعيتها إنها تيجي المقطم تكلم الناس عن توبتها، والناس كانت بتتأثر لما تلاقي فنانة تركت كل شيء من أجل التوبة، ومديحة كانت مستجيبة بشكل جميل سبحان الله».

وتابعت : «مرة في محاضرة وأنا معرفاهاش ولا ليا علاقة بيها، بقول واحدة زي نورا دي لو لبست الحجاب هتكون زي القمر، سبحان الله لقيت الكلام وصلها وحكت لي الموقف واحنا في طريقنا لهالة فؤاد وهي مريضة وقالت لي ربنا اداني كتير بس بعد توبتي شوفت الدنيا على حقيقتها».