دونجا يشن هجوم ناري على لاعبي الزمالك.. اعرف السبب

شن تامر عبدالحميد دونجا، لاعب نادي الزمالك ومنتخب مصر السابق، هجوم على لاعبي الأبيض، بعد التلاعب الذي يقوم به البعض بالنادي، من خلال طلب الإحتراف أو الرحيل في الإنتقالات الشتوية الجارية، فى محاولة منهم بإجبار مجلس إدارة القلعة البيضاء بالموافقة على الرحيل عن الفريق لتحقيق المصلحة الشخصية دون التفكير في مصلحة النادي.

وقال "دونجا" عبر حسابه الشخصي علي موقع التواصل الإجتماعى "فيسبوك": "كان في حاجات اسمها الإنتماء والوفاء وأصحاب الفضل، دلوقتى الحاجات دى ماتت من زمان جداً الله يرحمها، الإنتماء بقى اسمه الفلوس، واللى يدفع اكتر".

وأضاف لاعب الزمالك السابق، "لازم الناس تفهم كده الموضوع بقى عرض وطلب، لأن كل لاعب بيشوف الفلوس تأمين مستقبل، لأن بردو بيشوف اللاعب بعد الاعتزال مفيش حد هيطلع فلوس ويقوله خد فلوس عشان انت كان عندك انتماء ووفاء للنادى بتاعك".

وأكد، "النادى اللى قادر مالياً هو اللي يملأ عين الاعب بالفلوس، هو القادر على الحصول على البطولات".

وتابع، "المشكلة أن الجماهير عاطفية شوية، ولو حد قال على لاعب كلمة وقال الحقيقيه بواقعية بيتهاجم ويسمع كلام مش حلو، وتنسى اللى قال كده انه موت نفسه في سبيل إسعاد جماهيره".

واختتم،" البعد عن الحكايات دى مكسب كبير جداً،
ويعلم الدرس والمهم عندنا هو كيان نادى الزمالك".