مفاجأة.. أحمد شوبير يدعم أحمد مجاهد

رفض الإعلامى أحمد شوبير حارس مرمى الأهلي السابق ،فكرة الهجوم على اللجنة الثلاثية المكلفة بإدارة اتحاد الكرة بعد تأجيل مباراة الأهلى والزمالك لأجل غير مسمى، وذلك خلال برنامجه الإذاعى عبر أون سبورت إف إم.

حيث قال"مستنيين طبعاً أهاجم أحمد مجاهد ولجنته بعد تأجيل مباراة الأهلى والزمالك، لكن طبعاً مش هعمل كدا، أى قرار أمنى إحنا معاه، الناس دى بتفهم أكثر مننا وده شغلهم وهما عارفين يعملوا إيه كويس

وتابع شوبير "الأهم دلوقتى لازم نسـأل نفسنا إيه الصح نرجع نعمل مباراة الأهلى والزمالك بالقرعة وتتلعب عادى فى أى وقت ولا تكون قرعة موجهة ونرحل المباراتين سواء الدور الأول أو الثانى لنهاية كل دور مثلما كان الحال فى المواسم السابقة، فى رأيى الأفضل قرعة عادية بس طبقاً للى بيحصل والظروف الحالية يبقى نرجع للنظام القديم".

وأتم شوبير "الناس فى اتحاد الكرة بتتكلم عن مستحقات الحكام وعندى اقتراح زى ما بتخصموا 2% رسوم قيد فى بداية الموسم إخصم مستحقات الحكام مقدماً يعنى طاقم التحكيم بياخد مثلا 30 ألف جنيه فى المباراة وإنت عندك 34 مباراة يعنى كل فريق سوف يتحمل مستحقات حكام 17 مباراة يبقى فى حدود نص مليون جنيه مثلا يتم دفعها مقدماً مع رسوم القيد حتى لا يهان حكم ولا ياخد مستحقاته من الأندية بنفسه، أتذكر أن اتحاد الكرة كان حاطط تسعيرة أى نادٍ عايز حكام أجانب يدفع 30 ألف دولار، وكان الأهلى وبيراميدز بيدفعوا بينما يدفع الزمالك 20 ألف بس ولما اعترضت قالوا فى إيه عادى يعنى".