عمر كمال ينشر صورته ”أيام الكحرتة”: بلاش سخرية من شكلي
أعرب عمر كمال مطرب المهرجانات عن استيائه الشديد من السخرية من ملامحه "أيام الكحرتة" قبل دخوله الوسط الفني من خلال صورة قديمة مجمعة نشرها عبر حسابه الشخصي على موقع التواصل الاجتماعي فيس بوك.
وكتب عمر كمال: "كل ما أحط بوست وممكن الناس تشوف بعنيها عشان محدش يقول ده بيحور وبيعمل بوست وتريند ألاقى ناس كتيرة حطالي صورتي اللي على اليمين في الكومنتات من باب السخرية.. حتى الصورة اللي منزلها لوالدتي وبعبر عن حبى ليها عشان عيد ميلادها منزلين الصورة من باب السخرية".
وتابع مطرب المهرجانات: " عايز ارد عليهم وأقولهم والله الحمد لله على شكلي في جميع مراحل حياتي ودي حاجة أنا مش بتكسف منها واديني نزلت الصورة اهو للناس في بوست عشان تشوفها ومش مكسوف..والصورة اللي على اليمين دي لإنسان كان معندهوش رفاهية انه يروح للدكتور يتابع معاه رچيم أو يروح للچيم أو حتى عنده وقت يفكر في شكله.. انسان كان كل همه يشوف السرير بعد يومه الطويل عشان يصحى ليوم تانى أصعب، مش مهم كنت أيه المهم بقيت ايه".
وأضاف: "اشتغلت على نفسى وبكرم وفضل ربنا اشتغلت الحاجة اللي بحبها.. وركبت العربية اللي بحلم بيها، وكونت نفسي، وعملت وضع واسم لنفسي، وربنا جعلني سبب في انى شايل مسئولية ناس وفاتح بيوت ناس كتير من غير جنيه من بابي ومامي ولا مساعدة حد غير ربنا ثم دراعي .. أشك لو انت انسان عندك حاجة مفيدة في حياتك تعملها أو عندك هدف في حياتك إن يبقى عندك وقت تدور على صور حد وتسخر منه، صدقنى الحياة مفيهاش وقت تضيعه في الكلام ده شوف حاجة أفيد واعملها".
