سمر أبو شقة :انفصالي عن تامر عاشور لا ترند ولا شو ورديت على الأسئلة بعفوية

بعد تصريحاتها المثيرة للجدل، قالت سمر أبو شقة زوجة الفنان تامر عاشور إنهما اتفقا على إتمام الطلاق فى هدوء دون مشاكل، خاصة مع وجود ابنتهما "أيام" والتى ستظل رابطا بينهما طوال العمر، وكتبت عبر حسابها بموقع الصور الشهير "إنستجرام": "أنا وتامر هنفضل نحترم بعض لأن فى بينا عشرة وفى بينا بنتنا أيام اللى هتفضل رابط بينا طول العمر ..واللى أهم ليا إنها إن شاء الله تكبر متلاقيش أى حاجة تضايقها وتلاقى كل هدوء الموضوع لا ترند ولا شو ولا أى حاجة غير حقيقة وحاجة بتحصل كل يوم بس بيحصل اللى حاصل لما يبقى حد مشهور".

وأضافت :" احنا آه منفصلين (مش مطلقين) (ولا اطلقنا).. .ومرينا بمشاكل زي أى ناس طبيعية ..اتفقنا أو اختلفنا بتحصل يعني وبغض النظر عن مين غلط ف حق مين وإزاي ..لكن مهما حصل مفيش حد هيقبل أن يحصل تجريح للتاني ف اللي جاي".

وتابعت: "أنا رديت على أسئلة الاستورى بعفوية وبطريقتي اللي عمرها ما هتتغير وعاااااادي جدا بس للأسف في مواقع حطت عناوين غلط علشان تشد و تزود التفاعل عندهاوخلاص ..وعلي فكرة كلامي كان واضح و بسيط وموجود لحد دلوقتى مشلتوش على بروفايلى هنا.. ومقولتش أى حاجة غير الحقيقة اللي حصلت ببساطة و كان ظاهر منها 80% أو أكتر من غير أى شرح".

واختتمت :"ومنعا للمهاترات هي مش حرب مع ابو بنتي ولا عمرها هتكون..و المفروض اننا نتفق بكل هدوء على الطلاق إنه يتم خلال الفترة الجايه .. واللي اكيد بعد ما يحصل مش هينقص من احترامي ليه او احترامه ليا وهنفضل أصدقاء تجمعنا "أيام" اللي هتفضل اهم من اي حد و اي حدث.. بس نبقي بنتجنب الضغوطات و المشاكل اللي ايا كان سببها موجود او انتهي بلا رجعة..اتمني الموضوع يتقفل و مشوفش اي حاجة تضايقني .. واللي بيحبوني دعوة حلوة و شكرا لكل الحب و الدعم اللي بشوفه".