عائشة عطية ..أول حوار للفنانة المثيرة للجدل التي أعلنت حملها دون زواج

شكك عدد من متابعي الفنانة التونسية عائشة عطية في هذه رواية حملها دون زواج وقالوا أنها معتادة أن تقوم بهذه الدعاية لجلب الانتباه أو لاشهار لشئ ما مثل ما روجت اليها سابقا عن علاقتها بعارض الأزياء سفيان غزلاني.

ونشرت عائشة عطية صورة مكشوفة البطن وأجرت أول حوار مع متابعيها : “اليوم أنا قررت نعلن على الحمل متاعي، خارج نطاق الزواج. أنا في الشهر الرابع.
حكايتي ماهيش بعيدة على حكايات قبلي، و انشاء الله عندي طرف أمل متصيرش بعدي. أنا حبيت راجل وعدني بالزواج، و عشنا قصة حب من طرفي أنا، و حبلت منو أما مشا و خلاني محبنيش و منعرش بش يستعرف ببنتي و الا لا.

بالقانون أكيد بش إكون بوها. أما قدام الناس؟؟؟ و قدام عايلتي في مجتمع لا يرحم، لا بش يرحمني و لا بش يرحم بنتي.
و أنا قادرة اليوم نعيشها، و كان جيت منجمش؟؟؟ نرماها في SOS ڤمرت؟

إلي عملتو أنا غالط. أما متحكموش عليا، و الا على طفلة اغتصبوها و الا على صغير جا في “الحرام”، كلمة نكرها خاتر إعايروك باها نهار آخر.
بنتي بش نسماها “مايا”، منعرش شنوا مصيرها أما انت كمرا خلي مصيرك خير مني حب، أما استحفظ على روحك، عيش أما أعرف حدودك، مترميش روحك، أمان متعيشش القلق إلي أنا نعيش فيه كل يوم و مخبيتو”.