عايزين حقنا ..ده مش مجنون.. بالفيديو ..الموجز يحاور عائلة ضحايا ”بلطجي ” الشرابية

شهدت منطقة الشرابيه أبشع جريمة قتل على يد مسجل خطر تجرد من المشاعر الإنسانية وقام  بقتل شقيقين وإصابة نجل أحدهما وذالك  بسبب خلافات الجيرة .

الموجز ذهب إلي عائلة المجني عليهما وأجرت لقاءات مع أفرادها.. البداية كانت مع  مع والدة المجنى عليهما التي بدا عليها ملامح الحزن والانكسار  قالت وهي تبكي   إن نجليها لم يفتعلا خلافات مع أحد أبدا و أهالى منطقة الشرابية يحترمون العائلة  :  سعيد هو اللى كان مراعينى بعد وفاة والده  كان بيجهز شقته كان هيتجوز كمان شهرين .. أنا عاوزة القصاص لاولادي . 

وأكدت شقيقة المجنى عليهما أن المتهم له أكثر من سابقة حيث قام بقتل شقيقه والاعتداء على زوجة شقيقه وألقاها من البلكونة  واغتصب  ابنة  شقيقه وقتلها أيضا فكيف يكون هذا الشخص مختل عقليا :    دا مش مريض نفسى دا واعى وعارف هو بيعمل ايه دا ضرب أخويا فى جنبه 5 طعنات وبيقوله انا ضربتى مش بتعور ضربتى بتموت على طول وبعد كده قعد على القهوه يمسح السكينه بدم بارد وبيشرب شاى " .

 أكد شقيق المجنى عليهما أن المتهم  يرتكب جرائمه ولم يحاسب على أفعاله والسبب شهادة معاملة اطفال : أنا عاوز القصاص العاجل من المتهم  دا يااما هاخد حق اخواتي  بأيدى لو طلع ".