حذف كليب ”بسكوتاية مقرمشة” من ”يوتيوب”..واتهام شاكوش بسرقته من حماقي

اشتعلت أزمة كبيرة بين المخرج مصطفى عامر، وحسن شاكوش وصناع مهرجان "بسكوتاية مقرمشة"، بسبب سرقة فكرة فيديو كليب "راسمك في خيالي" للفنان محمد حماقي، وفشلت محاولات المخرج للتواصل مع الشركة المنتجة لحل الموضوع وديًا، ورفضهم للحلول المقترحة من جانبه، تقدم عامر بشكوى ليوتيوب وتم اتخاذ كافة الإجراءات، والتي انتهت لحذف كليب الأغنية من موقع يوتيوب.

وكان المخرج مصطفى عامر قد وجه اتهامًا لصناع المهرجان بسرقة فكرة فيديو كليب "بسكوتاية مقرمشة" من فيديو كليب "راسمك في خيالي" للفنان محمد حماقي.

وكتب عامر عبر حسابه الرسمي بموقع التواصل الاجتماعي "فيسبوك" :"ده أكبر دليل إن اللي بيقدموه بعيد تماماً عن الفن لأنهم فقرا فن وماعندهمش حاجة يقدموها ودايماً بيعتمدوا انهم يسرقوا مجهود الفنانين الحقيقيين، وال 4 دقايق اللي بتشوفوها كفيديو كليب بياخد من أي مخرج وقت طويل، مثلا كليب راسمك في خيالي واخد مني تحضير اسابيع وتفصيلة الإنترو لوحده واخد مني ومن اللي إشتغل عليه وقت طويل في التحضير وتفصيلة الـ sound effect لوحدها واخدة تحضير لإن فيه رسم الصوت على الخطوة وحركة الإيد وتفاصيل تاني كتير".

أضاف: "فلما ييجي حد يريح نفسه على حساب تعبك ويسرق مجهودك فدي حاجة فعلا تضايق ومش عارف هنفضل لإمتى ساكتين على السرقة دي والمفروض ان هما كمؤديين ما يسمى مهرجانات بقى ليهم إسم وجمهور المفروض يحترموهم ويحترمه المهنه وصناعها لكن للأسف مش بيحترموا حد".