رسالة خاصة من شريف رمزي للآباء مع عودة دخول المدارس.. تعرف عليها

حرص الفنان شريف رمزي أن يوجه نصيحة خاصة للأباء مع موسم عودة المدارس وهي أن يرافقوا أبنائهم في أول يوم دراسة حتي يشعرون بالأمان والإرتياح النفسي، حيث قام بنشر صورة جديدة برفقة نجله أثناء تواجدهم في مدرسته وذلك علي حسابه الرسمي عبر موقع الصور الشهير "انستجرام" وعلق عليها قائلاً: "أهم استثمار في الحياة هم ولادك وأول يوم مدرسة في حياتهم بيبقي أصعب وأهم يوم يوم عمرهم ما بينسوه وبيفضل محفور في ذاكرتهم طول حياتهم لأن ده أول طريق مشوار حياتهم الحقيقية وأول خطوة في إستقلالهم عن أهلهم".
وأضاف: "متسيبوش ولادكم في اليوم ده بالذات وحاولوا تدولهم أكبر قدر ممكن من المساندة والتمهيد والحب علشان يعدوا اليوم ده بسلام ويبدأوا حياتهم بسعادة وراحة واستقرار نفسي".
واختتم حديثه، قائلاً: "معلومة أخيرة أنا دخلت ابني نفس المدرسة اللي أنا اتخرجت منها أنا تقريباً كنت تاني أو تالت دفعة فيها وبحبها وبعتز بيها جداً وقضيت فيها أجمل أيام حياتي وعملت منها أهم أصدقاء عمري وبحب وعلى علاقة بمعظم أساتذتي فيها لحد دلوقتي وأتمنى ولادي يعدوا بنفس التجربة بتاعتي في المدرسة دي إن شاء الله".