أوس أوس لزوجته بعد إنتقادها بسبب نجلها المتوفى: ”أنا أسف يا ست الكل ولن أسمح بالتدخل في حياتى الشخصية”
حرص الفنان محمد أسامة الشهير بـ "أوس أوس" الرد علي حملة الإنتقادات التي تعرض لها هو وزوجته بسبب حضورهم حفل زفاف شقيقة صديقه الفنان مصطفى خاطر، وشقيق الفنان مصطفى بسيط، وذلك بعد أسابيع قليلة من وفاة نجلهم الرضيع.
حيث كتب علي حسابه الرسمي عبر موقع الصور الشهير "انستجرام" قائلاً: "أنا مش محتاج أبرر وأحكى أي حاجة عن حياتى والست اللى قلبى اخترها كنت ساعتها في أول موسم لتياترو مصر كنا نتقاضى مرتبات مش ممكن تفتح بيت وأول ما اتجوزت كنت قاعد في بيت إيجار كمان أنا بس هكتفى بالنقطتين دول علشان أصحاب العقول والنفوس المريضة يعرفوا ويبطلوا نغمة الفلوس بتعمل اكتر من كده".
وأضاف: "الفلوس ممكن تشترى سرير بس ماتشتريش النوم ومش أنا بس دا أغلب المشاهير اللى بتحسدوهم على حياتهم دلوقتى ماتعرفش بدأ من أمتى واتبهدل إزاى ولولا وجود حد جنبه بيسنده ويدعمه ماكنش هيعرف يعدى من أي مشكله نفسية أو مادية في حياته".
وتابع: "مش معنى إنى بنزل أشتغل أو بتصور وأنا مبسوط ده معناه إنى هموت من الفرحة بس دى مهنتى واجبى ناحية جمهورى إنى أخرجه من أي حزن هو فيه كل ده بعمله على حساب حزنى وجرحى ووجعى أنا وفى الآخر بتشتم برضه ".
وأختتم حديثه: "أنا بقول الكلام ده ولن أسمح بأي تدخل في حياتى الشخصية مرة أخرى سواء بالخير أو بالشر أو دخول اسم مراتى في أي كلمة من كلام المرضى النفسيين مراتى اللى أخوها متوفى وابنها متوفى وما صدقت أول مرة أخرجها نروح مناسبة ودمرتوها نفسياً تانى بكلامكم المريض حسبى الله ونعم الوكيل فيكم حقك عليا ياست الكل، سكت كتير وكنت بعدى لكن مفيش فايدة كل واحد يركز في حياته الطموح حلم مشروع عند كل الناس أسعى واتعب وكافح وربنا اللى بيكافئ مش البشر بدل ماتفضل تبُص في حياة الناس".