كريم سرور يعلن إصابته بفيروس كورونا ويحذر مخالطيه

شارك الفنان الشاب كريم سرور، جمهوره علي صفحته الشخصية بموقع التواصل الإجتماعي "فيس بوك"و  أعلن فيه عن إصابته بفيروس كورونا المستجد، بعد ظهور الأعراض عليه منذ 11 يومًا، مطالبًا مخالطيه بسرعة إجراء مسحة للتأكد من سلامة صحتهم.

وكتب سرور على حسابه قائلًا: “كنت مترددا جدًا في كتابة البوست ده بس قلت لازم الناس تعرف عشان تاخد بالها ولله الأمر من قبل ومن بعد.. أعراض ڤيروس كورونا المستجد (الموجة التانية من الڤيروس) هو إصابة الجهاز الهضمي قبل التنفسي فيه أعراض أولية معروفة وشائعة زي تكسير شديد في الجسم وسخونية عالية جدًا وبتنزل فجأة بدون مبرر وفجأة تعلي تاني أوي، ضيق في التنفس برضه مش طول الوقت خفقان في القلب وزيادة سرعة ضرباته بشكل يخوف جدًا فقدان الشهية و عدم الإحساس بالطعام”.

وأضاف : “أما الأعراض المستجدة بالنسبة للمعروف للناس هو ألم شديد في البطن.. المعدة والقولون، اسهال شديد وشوية وبيقلب بإمساك شديد.. ألم المعدة بيمتد للجناب والضهر وأحيانًا الرقبة.. وحاجة كدة أشبه بحالات الاغماء بتستمر لمدة 10دقايق أونص ساعة بالكتير و ده أظن بسبب مقاومة الجهاز المناعى للڤيروس لأنه ساعتها بتكون درجة حرارتى عالية جدًا .. شعور مستمر بالقيئ بس مبيحصلش و اظن دي طبيعة جسمي أنا عادة مبرجعش خالص”.

وتابع: “الأعراض غير مستقرة وبتيجى وتروح وتقل وتزيد و الثابت فيها هو عدم القدرة على التنفس بشكل جيد ( كأن فيه حاجة على صدرك ) و ألام شديدة في البطن.. دي الأعراض اللي عندى بقالها 11 يوما وأنا كنت فاكر إنها من القرحة المزمنة اللى عندى لحد ما حللت و التشخيص كان إصابتي بڤيروس كورونا المستجد.. الأعراض كانت شديدة جدًا و لا تحتمل في أول 4 أو خمس ايام و بعدين بدأت تقل لكنها فجأة بتزيد جدًا.. بس أنا أحسن دلوقتي الحمدلله إتمنولي الشفاء و أي حد خالطني في آخر 25 يوم يتأكد إنه تمام بس.. أسف جدًا أكيد مكنتش أعرف، شكرًا”.

وكانت آخر أعمال الفنان كريم سرور مشاركته في مسلسلي "فرصة تانية" و"شاهد عيان"، اللذين عرضا في دراما رمضان الماضي