مي حلمي تتجاهل طلاقها من محمد رشاد وتغني ”الطيبة مش نافعه”

تجاهلت الإعلامية مي حلمي خبر انفصالها عن المطرب محمد رشاد من خلال غنائها أغنية "الطيبة مش نافعه" للمطربة شيرين عبد الوهاب، حيث قامت بنشر فيديو لها وهي تغني على أنغام الأغنية عبر صفحتها الشخصية بموقع تبادل الصور والفديوهات الشهير إنستجرام.

وقالت مي حلمي: "والطيبة ولا نافعه، بتاعت الراديو".

وكشف محمد رشاد الأسباب الرئيسية وراء طلاقه مي حلمي من خلال منشوراً عبر حسابه على "إنستجرام"، طالب فيه متابعيه بأن يتجاوزوا هذا الموضوع.

وكتب رشاد قائلاً: "قبل أى شىء، بسم الله الرحمن الرحيم (الطلاق مرتان فإمساك بمعروف أو تسريح بإحسان) صدق الله العظيم.. الآية الكريمة دي بتلخص تفاصيل كتير مش هدخل فيها لأنها تخصني وتخص طرف تاني كان في يوم جزء من حياتي".

وأضاف: "وبعد 3 مرات طلاق أكيد مينفعش نكمل وكأنه محصلش، أنا بطلب من كل الناس سواء بتحبني أو لا بتابعني أو متعرفنيش أصلا إنهم يعدوا الموضوع كأنه مجاش قدامهم لإني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجي بالحلو أو الوحش وفي الأول والآخر، ياريت نراعي أن البنت بتتأثر بالكلمة الوحشة قبل الحلوة.. قضينا أيام منها الحلو ومنها اللي مش حلو، وكل شىء نصيب وقدر من ربنا، وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا، وده هيكون آخر حاجة ممكن أقولها بخصوص الموضوع ده".

وتابع: "أتمنى تقروا وتفهموا الكلام كويس وتنفذوه من فضلكم.. كل شىء نصيب والكلمة الطيبة قدرها كبير عند الله في قلوب الناس".