وائل جمعه عن رحيل العفيجي : اللي اشتراك هيبيع الدنيا عشانك ..واللي باعك مرة هيبيعك الف

نصح وائل جمعة مدافع النادى الأهلى مجلس إدارة القلعة الحمراء برئاسة محمود الخطيب بعد تأكد رحيل رمضان صبحى صانع ألعاب الفريق لصفوف بيراميدز، وكتب صخرة الأهلى عبر حسابه على تويتر: "الفترة اللى فاتت واللى حصل فيها من بقاء ورحيل بعض اللاعبين عن الأهلى، وما يحدث حاليا فيها دروس كثيرة جداً لإدارة نادينا فى التعامل مع اللاعبين أهمها بس اللى باعك مرة هيبيعك ألف مرة، وفى برضه اللى اشتراك هيفضل متمسك ويبيع الدنيا والفلوس علشان خاطرك ومع ذلك بياخد وبيتقدر من النادى".

وأضاف وائل جمعة "التاريخ حاضر علشان يفكرنا كنا ليه كويسين فى النقطة دى أولا العقود كانت خمس سنين، وقبل نهاية العقد بسنتين لو مجددتش مع السلامة أو تتجمد وفى ألف لاعب بتمنى يلعب عندك، ثانيا مش إحنا اللى بنعمل تماثيل عجوة وعمر ما حد يلوى دراع النادى الأهلى، دائما وأبدا سيظل الأهلى بمن حضر".

وفى وقت سابق كشف أمير توفيق مدير التعاقدات بالنادىالأهلى عن الموقف النهائى للأهلى من شراء اللاعب رمضان صبحى الذى انتهت إعارته من نادى هيدرسفيلد الإنجليزى فى 30 يونيو الماضى، قائلا إن النادي بدأ سلسلة المفاوضات مع هيدرسفيلد لشراء رمضان صبحي منذ أبريل الماضي بعد موافقته وإبداء رغبته في الاستمرار ضمن صفوف الأهلي في جلسة جمعته مع محمود الخطيب رئيس النادي ما لم يتلقَ اللاعب عرضًا أوروبيًا يحقق طموحاته.