عفاف مصطفى تعتذر لـ عبد الرحمن أبو زهرة: حقك عليا يا كبير

اعتذرت الفنانة عفاف مصطفى، عن إساءاتها للفنان القدير عبد الرحمن أبو زهرة بعد تصريحاته الآخيرة عن الكآبة في إحدى لقاءاته التليفزيونية، وذلك عبر تدوينة لها عبر صفحتها الرسمية بموقع التواصل الاجتماعي فيس بوك.

وكتبت عفاف مصطفى: "هو في أب بيزعل من ولاده، صحيح حضرتك أب حمش بزيادة وده من قلبي بقول لحضرتك، ما تزعلش يحسب لحضرتك مش ضدك.. حضرتك قيمه وقامه وتاريخ ورمز فنى كبير ربنا يبارك فى عمرك ويعطيك وافر الصحه"

وأضافت: " ما كنتش أدرك الموضوع يوصل كده، أنا كتب البوست فى لحظة إسترداد زكريات من شغلى .. وخرجت من المنزل دون ان اتابع النت وعلى ما رجعت وحق الله لقيت الدنيا بقت كده وحذفته مع أول مكالمه من السيد النقيب الدكتور اشرف زكى"

وتابعت: "ما تزعلش بقولها لحضرتك مرات ومرات، حقك عليا يا كبير يا قيمه وقامة، اديك شفت بعينك قد إيه حب الكره الارضيه ليك، ربنا يديم عليك زخم الحب والعرفان وقيمتك الكبيره عند محبيك وجوه القلوب".