بعد فضائح التحرش.. أميرة فتحي تفضح المتحرشين بها من البنات

أثارت النجمة أميرة فتحي، حالة من الجدل عبر السويشال ميديا بعد فضح المتحرشين بها من السيدات والبنات بسبب صورة نشرتها مع صديق لها ومدربها الخاص، عبر حسابها الرسمي بموقع تبادل الصور والفديوهات الشهير إنستجرام.

وكتبت أميرة فتحي: "مكنتش عايزة أتكلم في موضوع التحرش بس اللي عايزة أقوله إن التحرش بالألفاظ ميقلش عن التحرش الجسدي أنا من أيام تقريبًا اتصورت مع صديقي وفي نفس الوقت هو الـ trainer اللي معايا في الجيم وكانت صورة عادية جدًا وكان في جزء من جسمي بان من الـ"t shirt" غصب عني حاجة مقصدهاش".

وأضافت: "اللي عايزه أقوله إن اللي اتحرشوا بيا لفظياً هما البنات والستات للأسف، وده شفته على جروب خاص بالستات وأنا في الجروب ده.. لكن عمري ما تفاعلت معه وأحد أصدقائي هو اللي قالي لأنه بيشتغل في مباحث الإنترنت".

وتابعت أميرة: "سألني لو عايزة أقدم بلاغ في الجروب، قلتله لأ واكتفيت إنه مسح الصورة وللأسف إن اللي عندي هنا يعني زي ما في رجالة متحرشين في ستات متحرشين".

بدأت أميرة فتحي مشوارها الفني كممثلة إعلانات وعارضة أزياء، وحازت على شهرة واسعة وكانت شهادة ميلادها مع الجمهور بعد ظهورها في فيديو كليب أغنية "إفرض" للمطرب حكيم.

وشاركت في بطولة مجموعة كبيرة من الأعمال الفنية سواء في السينما أو الدراما وأبرزها، "حين ميسرة" و"صباحو كدب" و"صعيدي في الجامعة الأمريكية" و"فرقة بنات وبس" و"الكافير" و"ظاظا" و"ابقى قابلني" و"الوان الطيف" و"ابن النظام" و"بنات في الثلاثين" و"حق مشروع" و"هدوء نسبي"، والكثير من الأعمال.