محامية أحمد الفيشاوي: أزمة النسب الأخيرة كلام سوشيال ميديا..ولا يوجد قضية في المحكمة

ظهرت لينا الفيشاوي ابنة الفنان أحمد الفيشاوي مع طفل صغير في أول يونيو الماضي، وكشفت أنه أخيها من والدها وأنها التقت به قبل عام، وبعدها تحدث محامي لينا، شعبان سعيد قائلا إنه تلقى اتصالا من سيدة ألمانية تدعى دنيس ولمان تطلب فيها أن يتولى لها قضية إثبات نسب لفتى صغير يدعى تيتوس من الفنان أحمد الفيشاوي.

وعلقت سناء لحظي، محامية الفنان أحمد الفيشاوي على هذه القضية وقالت في لقاء لها: " أنا كمحامية المفروض أي محامي قبل ما يتكلم ويقول أي تصريح يدرس الورق مرة واتنين وتلاتة، أنا لغاية دلوقتي مفيش أي ورق مطروح أمام المحكمة هي أخبار بتقال على السوشيال ميديا والقنوات الفضائية معرفش أساس صحتها فين".

تابعت: "الولد دا كان فين وشهادة ميلاده باسم مين ووالدته معها ورق رسمي ولا لأ كل دا منعرفش عنه حاجة ومنقدرش نقول حاجة إلا من خلال ورق، وحتى الآن مفيش قضية رسمية اترفعت".