بكلمات مؤثرة.. عزوز عادل يحيي ذكرى رحيل والدته

أحيا الفنان عزوز عادل، عضو نقابة المهن التمثيلية، الذكرى التاسعة لرحيل والدته بكلمات مؤثرة، وذلك عبر حسابه الخاص بموقع التواصل الاجتماعي فيس بوك.

وكتب "عزوز": "زى النهاردة من 9 سنين سمعت اخر صوت لفاتنتى وآخر حضن لامى راحت كل حاجه حلوه مع اخر نفس ليها .. لما كانت بتبص لى كنت بحس بالراحة وفى حضنها بحس بالآمان، لما بكون مضايق او مخنوق والدنيا جايه عليا كانت تقعد تتكلم معايا واسرح فى كلمها اللى لِسَّه جوايا..هى آخر فرحه بجدآخر حب حد حبهونى من قلبه".

وأضاف: "ماتت فاتنتى الست الجدعه اللى بميت راجل بعد لما ابويا مات اصرت انها تربينا لوحدها شافت ايام صعبه كتير وقسوه لحد ماوقفتنا على رجلينا وسابتنا لوحدنا ومشيت علشان متبقاش تقيله علينا.. بعد الحادثة قعدت 53 يوم فى المستشفى الست العظيمه، اتعلمت فيهم اللى عمرى ماتعلمته فى حياتى.. ما اصعب انك تشوف كيانك قدام عينك مهزوم وانت مش قادر تعمل حاجة.. كانت اخر جمله ليها".

وتابع عزو عادل:" روحو ياولادى اللهى ربنا يكرمكم، عمرى مقدر أنساها، لحد اخر يوم مش عاوزه تاكل الا لما نأكل احنا الاول حتى فى لحظتها الاخيرة .. دعواتك دايماً معانا ماشين بيها، من 8 سنين كنت إنسان تانى يمكن دلوقتى أكون احسن وقادر على مواجهه الحياه لكن من غير ما أكون مبسوط .. وحشنى حضنك، صوتك، نظره عنيكى، جدعنتك كل تفاصيلك فى الحياه يا فاتن يافاتنتى اشتاق اليكى وعلى موعد قريب وعلى وعدى ليكى.. ربنا يرحمك يا حبيبتى".