بعد رسالتها لعمال اليومية ”المؤسسات الخيرية بتشحت عليكم”.. زوج داليا البحيري يصاب بفيروس كورونا

أعلنت الفنانة داليا البحيري مساء أمس عن إصابة زوجها رجل الأعمال حسن سامي بفيروس كورونا، بعد تأكيد نتيجة التحاليل إيجابيته للفيروس.
وكتبت علي حسابها الرسمي عبر موقع التواصل الاجتماعي "فيس بوك" قائلة: "أنا هبدأ بألف حمد وشكر ليك يارب، لأن أنا عارفة ومتأكدة إن احنا عملنا اللي علينا وزيادة، حافظنا وقعدنا في البيت، وعقمنا وطهرنا، وانتقدنا اللي نزل انطلق واتفسَّح، وأنا والحمد لله راضية جدا بقضاء ربنا سبحانه وتعالى، حسن جوزي وحبيبي طلع إيجابي كورونا فيروس، ربنا يشفيه ويعافيه يارب”.
وأضافت: "إحنا كلنا عملنا مسحات تحليل كورونا، أنا والأولاد، واللي بيساعدونا في البيت، عشان نطمن، لأننا كنا مخالطين لحسن، وبإذن الله نعرف النتيجة بكرة بليل، وربنا يجيب العواقب سليمة يارب".
وتابعت البحيري: "أنا بقول الكلام ده عشان أي حد لازم يعمل كده، لازم يقول، وبكل وضوح عشان الناس اللي كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها".

ومن جانبه طالب رجل الأعمال حسن سامى، الأصدقاء والمقربين بالدعاء له بعد إصابته بالفيروس وكتب علي صفحته الرسمية عبر موقع التواصل الاجتماعي "فيس بوك" قائلاً: "لقد اختبرت إيجابية Covid-19 الآن الحمد لله على كل شئ حالتى كويسة جداً، دعواتكم مكونش نقلت العدوى لمراتى والولاد أهم حاجة اسألكم الدعاء أرجوكم بلاش اتصال أنا كتبت البوست علشان أى حد تعامل معايا أو حد من القريبين منى يعرف مش أكتر".

وخلال الأشهر تعرضت الفنانة داليا البحيرى إلى هجوم كبير من رواد مواقع التواصل الاجتماعى المختلفة بعد نشرها تدوينة تهاجم فيها مخالفى حظر التجول والعمالة اليومية.
حيث كتبت قائلة: "حظر كامل يا ريس لو سمحت أرجوك، واللي حيقولي العمالة اليومية، حديله بالشبشب على بقه، أنا فاض بيا أولا معظم المؤسسات الخيرية وبقول معظم مش كل بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة خلينا صادقين مع نفسنا شوية كده والنبي واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية".

وأضافت: "مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب ما نلاقيش سرير في مستشفى عشان واحد كان مقضيها خروج بيتفسح ولا كان على باله اللي احنا فيه".
وردت الفنانة داليا البحيري، على الانتقادات التي تعرضت لها، عقب نشرها "بوست" عبر حسابها الشخصي على فيس بوك، تضمن هجومها على العمالة اليومية، على حد وصف جمهورها.
فبعدما أنتشر هذا المنشور بشكل كبير تعرضت البحيري لإنتقادات لاذعة بسبب هجومها على العمالة اليومية، على حد وصف جمهورها، لذلك قامت علي الفور بنشر مقطع فيديو لتوضح من خلاله وجهة نظرها، وبدأت حديثها: "كل سنة وأنتم طيبين بمناسبة شم النسيم وشهر رمضان، مضطرة أطلع أرد علشان محدش يحرف أي حاجة قولتها، وأوضح أنا كاتبة إيه".
مضيفة أنها ملتزمة بالحجر المنزلي لمدة 36 يوميا، معتمدة على خدمة توصيل الطلبات للمنازل لشراء متطلباتها دون الخروج، متابعة: "تقريبا مخرجتش غير مرتين أو تلاتة بخصوص ملفي الضريبي".
وأشارت إلى أنها خصصت المنشور للأصدقاء فقط، ولكنها فوجئت بتداوله في الصحف، مضيفة: "كنت بتكلم براحتي على سجيتي، علشان الأكونت برايفت، ومكتبتش حاجة أخجل منها، الحقيقة إن في ناس كتير بتتسوق في المولات في العتبة والموسكي، معرفش هيلبسوا اللبس ده فين".
وأكدت أنها لا تهاجم العمالة اليومية، وأنها تدعمها من خلال حملة بالتعاون مع بنك الطعام المصري، فضلاً عن مطالبتها بتوفير أماكن إقامة للعمال، مع تمنيها تطبيق حظر كلي في مصر، "علشان الناس نازلة تتفسح، علشان زهقت وبتفسح عيالها".
وطالبت بالإلتزام بالحظر الجزئي، وترك الشوارع غير مزدحمة لعمال "الديلفري" والأطباء والممرضين والعاملين في قطاع الصحة، مختتمة حديثها بالدعاء لهم.