مها أحمد توجه رسالة رومانسية لزوجها: "صاحبي وأخويا وأبويا وأستاذي"

وجهت الفنانة مها أحمد رسالة رومانسية لزوجها من خلال استعادة ذكرياتها بنشر صورة من حفل زفافهما وذلك عبر صفحتها الرسمية بموقع التواصل الاجتماعي فيس بوك.
وكتبت مها كلمات خاصة إلى زوجها حيث قالت: "طول عمرى كنت بحلم ان ربنا يكرمنى ويكون من نصيبى شاب ابن حلال وطيب وحنين وشهم وجدع واهم شيء يكون بيحبنى ويحطنى جوه عنيه الحمد لله رب العالمين انى من اول يوم دخلت فيه المعهد.. وبدائت تحقيق طموحى الفنى ربنا رزقنى بالهديه اللى كنت بحلم بيها وهى افضل واجدع شباب المعهد كل البنات تتمنى نظره منه لكن ربنا اراد انك تختارنى وتحبنى وتراعى ربنا فيا".
وأضافت: "وانا بقلب فى البوم ذكرياتى الجميله افتكرت كل كلمه حلوه قلتهالى كل طبطبه طبطبت فيها عليا كل حب كل حنان طول فترة زواجنا.. كنت صاحبى واخويا وابويا واستاذى وابنى، عمرك ما حرمتنى من حاجه كنت سخى فكل حاجه".
وتابعت: "ربنا يخليك ليا ولولادك يمكن الظروف الصعبه اللى مرينه بيها عمرك محسستنى ان الحمل تقيل عليك رغم انى عارفه انه تقيل وتقيل قوى بس انت قد كل صعب.. زوجى وافتخر النجم المكافح المحترم المحبوب حبيب الملايين مجدى كامل، اسفه طبعا انى اقول القاعده مده طويله فالبيت اعتقد انها مصلحه لكل زوج وزوجه يطلعوا البوم ذكرياتهم ويحاولوا يسترجعوا احلى ايام العشره الطيبه، يمكن لو عملنا كده ربنا يهون علينا ويفك كربنا ويبعد البلاء. بسم الله ماشاء الله ربنا يباركلى فيك ويخليك لولادك ويقويك حبيب عمرى نجم النجوم".


موضوعات ذات صله

التعليقات